పాత వీడియోలే అయినా కొన్ని సార్లు కొత్తగా ట్రెండింగ్ లోకి వచ్చేస్తాయి. అలాంటిదే ఈ బుడ్డోడి వీడియో కూడా. అయితే దీనికి ఇప్పుడు ప్ర‌ముఖ వ్యాపార‌వేత్త ఆనంద్ మహీంద్రా ట్వీట్ తోడు కావడంతో ఈ వీడియో బాగా పాపులర్ అవుతోంది. సోష‌ల్ మీడియాలో ఎప్పుడూ యాక్టివ్‌గా ఉండే ఆనంద్ మహీంద్రా.. ప‌లు ఫ‌న్నీ వీడియోలు, సందేశాత్మ‌క వీడియోలు షేర్ చేస్తుంటారు. తాజాగా ఓ మోటివేష‌న‌ల్ వీడియోను ఆయన ట్వీట్ చేశారు.
This video is from a couple of years ago, but I don’t think it will ever be ‘dated.’ I like to put it on every now & then, especially when some personal or business goal is looking intimidating or impossible! All my fears vanish instantly… pic.twitter.com/9XtuyBVxwJ
— anand mahindra (@anandmahindra) November 8, 2021
ప్లే ఏరియాలో ఉండే గోడను ఎక్కేందుకు ఓ చిన్నపిల్లవాడు ప్ర‌య‌త్నించే వీడియో అది. ఆ బుడ్డోడు ముందు కొంచెం పైకి ఎక్కాక.. ఇంకా పైకి ఎక్క‌లేక కిందికి దిగుతాడు. మ‌ళ్లీ ఏమైందో కానీ.. మ‌రోసారి ట్రై చేసి పూర్తిగా పైకి ఎక్కుతాడు. ఆ వీడియోను షేర్ చేసిన ఆనంద్.. చాలామంది ల‌క్ష్యాలు కూడా అసాధ్యం అన్న‌ట్టుగానే అనిపిస్తాయి. కానీ.. ఒక్క‌సారి నువ్వు నీ ల‌క్ష్యం కోసం అడుగు వేశాక నిన్ను ఎవ్వ‌రూ ఆప‌లేరు.. అంటూ క్యాప్ష‌న్ పెట్టారు. ఇప్పుడీ వీడియో ట్రెండింగ్ లోకి వచ్చింది.
