తన కొడుకు , తన యూనివర్సిటీ మహిళా ప్రొఫెసర్ అర్ధనగ్న పోటోలను రహ్యస్యంగా చూస్తున్నాడు.. అది తండ్రి కంటపడింది.. చదువు చెప్పాల్సిన మహిళా ప్రొఫెసర్ అర్ధ నగ్న ఫొటోల బాగోతం ఏమిటో , తన కొడుకే వాటిని ఎందుకు చూస్తున్నాడో , అర్ధం కాని తండ్రి , ఈ విషయాన్నీ యూనివర్సిటీకి ఫిర్యాదు చేసాడు. దీని వెనుక కథేమిటో తేల్చమని పట్టుపడితే , అసలు విషయం తెలిసింది. ఈ విషయాన్ని
సీరియస్ గా తీసుకున్న ఆ తండ్రి యూనివర్సిటీకి ఫిర్యాదు చేయడంతో మహిళా ప్రొఫెసర్ ఊద్యోగం ఊడిపోయింది. కోల్ తాలోని సేంట్ జేవియర్స్ యూనివర్సిటీలో జరిగిన ఈ ఘటన వివరాలు ఇలా ఉన్నాయి.
డిగ్రీ మొదటి సంవత్సరం చదువుతున్న ఒక విద్యార్థి ఇన్ స్టాగ్రామ్ ఖాాతాలో ఉన్న ఫొటోలను ఆసక్తిగా చూస్తున్నాడు. బికినీల్లో, కేవలం ఇన్నర్ వేర్లు ధరించిన ఓ మహిళ ఫొటోలు అవి. ఆ విద్యార్థి తండ్రి చాటుగా పరిశీలించి చూడగా, అవి మహిళా ఫ్రొఫెసర్ అని గుర్తించాడు. మహిళా ప్రొఫెసర్ అభ్యంతరకరమైన, అసభ్యకరమైన, అశ్లీలంగా ఉన్న ఫొటోలను ఇన్ స్టా గ్రామ్ ఖాతాలో కనిపించడం పట్ల ఆ తండ్రి సీరియస్ అయ్యాడు. మహిళా ప్రొఫెసర్ పబ్లిక్ ప్లాట్ ఫామ్ లో తన శరీరాన్ని ప్రదర్శించడం అభ్యంతరకరమంటూ యూనివర్సిటీకి లిఖిత పూర్వకంగా ఫిర్యాదు చేశాడు.
దీంతో యూనివర్సిటీ పాలకమండలి మహిళా ప్రొఫెసర్ కు ఫిర్యాదులు, ఫొటోల ప్రతులను చూపించింది. తనను వర్సిటీ అధికారులు ఉద్యోగం నుంచి తొలగించారని ఆమె ఆరోపిస్తుండగా, స్వచ్చందంగా రాజీనామా చేసినట్టు యూనివర్సిటీ అధికారులు పేర్కొన్నారు. దీనిపై మహిళా ప్రొఫెసర్ ఇటీవల పోలీసులను ఆశ్రయించారు. తన ఇన్ స్టా గ్రామ్ ఖాతా హ్యాక్ కు గురైందని, అక్కడి నుంచి పొటోలు లీక్ అయి, షేర్ అయినట్టు ఫిర్యాదు చేశారు. అక్కడ వరకు బాగానే ఉంది.. అసలు నువ్విలా ఎందుకు అర్ధనగ్న ఫొటోలు సోషల్ మీడియాలో పెట్టావంటూ పోలీసులు ఇప్పుడు కేసు పెట్టారు..
