వివో ప్రచారం కోసం మరీ ఇంతలా చేయాలా..?
టీమిండియా మాజీ కెప్టెన్ విరాట్ కోహ్లీకి ఎంత క్రేజ్ ఉందో అందరికీ తెలిసిందే. కెప్టెన్సీకి దూరమైనా ఇంకా విరాట్ క్రికెట్ అభిమానులకు ఆరాధ్య దైవమే. టీమిండియాలో ఉన్నంతకాలం అతని క్రేజ్ కి కొదవే ఉండదు. మనోడు ఇటీవల వివో స్మార్ట్ ఫోన్ కి బ్రాండ్ అంబాసిడర్ గా ఉంటున్నాడు. ఈ క్రమంలో ఇప్పుడు తన సోషల్ మీడియా అకౌంట్ లో ఓ ఫొటో షేర్ చేశాడు విరాట్. అయితే ఆ ఫొటోలో అందరూ విరాట్ కోహ్లీ లాగానే డ్రస్సింగ్, హెయిర్ స్టైల్, గడ్డం పెంచుకుని ఉంటారు.
ఫైండ్ ద ఆడ్ వన్ ఔట్.. అంటూ ఆ ఫొటోకి క్యాప్షన్ పెట్టాడు విరాట్. అయితే ఆ ఫోటో వివో వి-11 ప్రో అనే కెమెరాతో తీసినట్టు మనకు కనపడుతుంది. వివో అడ్వర్టైజ్ మెంట్ కోసమే విరాట్ ఆ ఫొటోని అప్ లోడ్ చేశాడని కామెంట్లు వస్తున్నాయి. ఇంతకీ ఆడ్ మ్యాన్ ఎవరో, వారిని ఎందుకు కనిపెట్టాలన్నారో విరాట్ కే తెలియాలి. అసలు సంగతి మాత్రం ఆ క్రికెటర్ ఇంకా రివీల్ చేయలేదు. దీంతో సోషల్ మీడియాలో రకరకాల కథలు ప్రచారంలోకి వచ్చాయి.
