కర్ణాటకలో ఒక మఠానికి చెందిన భూమిలో జరుగుతున్న తవ్వకాలలో అద్భుతం బయటపడింది.. ఎప్పుడో సజీవ సమాధి అయిన , సాధువు కి సంబందించిన వస్తువులు , పూజా సామగ్రి , పాత్రలు బయటపడ్డాయి.. మహాపురుషులు సిద్ది చెందినప్పుడు , సజీవ సమాధి అయినప్పుడు , వాళ్లకు సంబందించిన వస్తువులు కూడా సమాధిలోనే ఉంచుతారు. దొడ్డబళాపూర్ జిల్లా మాగడి తాలూకాలో మఠానికి చెందిన భూమిలో తవ్వకాలు జరుపుతుండగా ఇవి బయటపడ్డాయి. తవ్వకాలలో , ఉన్న పళంగా భూమి లోపలకు కుంగి పోవడంతో , ఒక చిన్న గుహ, సమాధి బయటపడ్డాయి. కన్నూరు గ్రామంలో మక్కళ దేవర మఠంలో మఠానికి చెందిన భూమిలో ఈ సంఘటన జరిగింది. ఇత్తడి, తామ్రం, మట్టి వస్తువులు లభించాయి. తట్టలు, దీపం స్తంభాలు, విభూధి ఉండలు, ఉయ్యాల స్తంబం, గంట తదితర వస్తువులు ఉన్నాయి. . గతంలో మఠానికి చెందిన స్వామీజీ ఒకరు సజీవ సమాధి అయ్యారని, ఆయన వస్తువులు కూడా సమాధిలో ఉండిపోయి ఇప్పుడు వెలుగు చూసాయని మఠం నిర్వాహకులు తెలిపారు. పోలీసులు పురాతత్వ శాఖ అధికారులకు సమాచారం ఇచ్చారు.
