పాము పగపడుతుందా ..? అది నిజంకాదని సైన్స్ చెబుతుంది.. అయితే ఆదిలాబాద్ జిల్లా , బేదోడ గ్రామంలో డిగ్రీ చదివే ప్రణాళి అనే ఈ 18 ఎళ్ల అమ్మాయిని వెంటాడి , వేటాడి పాము ఎందుకు కాటేస్తుంది..? రెండు దఫాలు పాముకాటుకు గురై , బ్రతికి బయటపడ్డప్పటికీ , మూడో సారి ప్రాణాలే కోల్పోవలసి వచ్చింది..
విచిత్రంగా మూడో దఫా కాటేసిన పాము , ఆమె కాలేజీ బ్యాగులో ఉండింది. కాలేజీ నుంచి వస్తూ , తెచ్చుకున్న హోలీ రంగులకోసం , బ్యాగులో చెయ్యి పెడితే , అది కాటేసింది. రెండు సార్లు , పాము కాటునుంచి బయటపడ్డ ప్రణాళి , మూడో దఫా తప్పించుకోలేకపోయింది. మొదటి దఫా , ఆరు నెలల క్రితం ఇంట్లో నిద్రపోతుంటే , పాము చేతిమీద కాటేసింది. అప్పుడు దాదాపు , 4 లక్షల రూపాయలు ఖర్చుపెట్టి బ్రతికించుకున్నారు. తరువాత , మళ్ళీ ఈ ఏడాది జనవరిలో పాము కాటేసింది.. మళ్ళీ అతికష్టంమీద బ్రతికింది.
అప్పటినుంచి అమ్మాయిని , కంటికిరెప్పలా కాపాడుకుంటున్నారు. ఇప్పుడు ఏకంగా కాలేజీ బ్యాగులోనే దూరి , ఆమె హోలీ రంగులకోసం , చేయిపెడితే , కాటేసింది.. హాస్పిటల్లో చనిపోయింది. ఇది విధివిచిత్రమో , పగపట్టిన పాము చేసిన దారుణమో , లేక కాకతాళీయమో గానీ , అమ్మాయి జీవితం ఇలా అనూహ్యంగా ముగిసిపోయింది..