తోపుడు బండిమీద బట్టలు అమ్ముకునే ఓ పేద వ్యాపారికి ఏకే -47 తుపాకులతో ఇద్దరు గన్ మెన్లు రక్షణగా ఉన్నారు.. వీధిలో వ్యాపారం చేసుకునే ఈ పేదవాడికి గన్ మెన్ లు ఇవ్వాలని కోర్టు ఇచ్చిన ఆదేశాలతో , పోలీసులు ఇచ్చారు. అయితే ఈ గన్ మెన్ లు రక్షణ కారణంగా అతడికి వ్యాపారం కూడా సరిగా జరగడంలేదు. అక్కడివరకు వచ్చి , మనకెందుకులే అని చాలామంది తిరిగి వెళ్లిపోతున్నారు. దీంతో గతంలో వెయ్యిరూపాయలు జరిగే వ్యాపారం ఇప్పుడు మూడు వందలకు పడిపోయిందని రామేశ్వర్ దయాల్ అనే ఈ వ్యాపారి వాపోతున్నాడు.
ఇంతకీ ఈ వ్యాపారికి ఇద్దరు గన్ మెన్ లు రక్షణ ను , అతడు కోరుకోలేదు. కోర్టే ఇచ్చింది. రామేశ్వర్ , తనకున్న రెండున్నర ఎకరాల పొలం , పట్టా కోసం యూపీలోని , ఇటావా జిల్లా సమాజ్ వాది , మాజీ ఎమ్మెల్యే సోదరుడు జగేంద్ర సింగ్ దగ్గరకెళ్ళాడు. ఈ సందర్భంగా జగేంద్ర , రామేశ్వర్ ని , కులం పేరుతొ దూషించి , కొట్టాడు. ఈ విషయమై రామేశ్వర్ కేసుపెట్టాడు. కోర్టులో విచారణ సందర్భంగా , రామేశ్వర్ ని చూసిన న్యాయమూర్తి , నీకు ప్రాణభయం ఉందా అని అడిగాడు. ఉందని చెప్పడంతో , వెంటనే ఇద్దరు గార్డులను ఇవ్వాలని ఎస్పీని ఆదేశించారు.
