రైలు ప‌ట్టాల‌కు అడ్డంగా కొన్ని సంద‌ర్భాల్లో బ‌స్సులో కారులో బైక్‌లో అడ్డం రావ‌డం, రైళ్ళు వాటిని ఢీ కొన‌డం మ‌న‌కు తెలిసిందే. అయితే ఏకంగా ఓ విమాన‌మే రైలు పట్టాలపై కూలిపోయింది. అదృష్టం ఏమిటంటే, పట్టాలపై కూలిన విమానం నుంచి పైలెట్ ను బ‌య‌ట‌కి తీసిన రెండు క్ష‌ణాల్లో ఆ పట్టాలపై నుంచి వేగంగా రైలు వెళ్ళ‌డం ఆ పైలెట్ ని చావు నుంచి త‌ప్పించింది. రైలు పట్టాలపై విమానం కూలిపోయి ఆ పైలెట్ గాయాల‌తో బ‌య‌ట‌ప‌డ‌డం ఓ అదృష్టం అయితే క్ష‌ణాల్లో రైలు రావ‌డం, అత‌నిని పోలీసులు కాపాడ‌డం మ‌రో అదృష్టం.
ఒక‌ర‌కంగా కొన్ని క్ష‌ణాల వ్య‌వ‌ధిలోనే ఆ పైలెట్ రెండు ద‌ఫాలు మృత్యువుని ఛాలెంజ్ చేసి బ‌య‌ట‌ప‌డ్డాడు. లాస్ ఏంజెల్స్ లో ఈ ఘ‌ట‌న చోటుచేసుకుంది. సెన్సా 72 విమానాన్ని త‌న ఇంటి నుంచి బ‌య‌ట‌కి తీసిన పైలెట్ గాల్లోకి ఎగిరాడు. సాంకేతిక కార‌ణాల‌తో ప‌ది నిమిషాల్లో పట్టాలపై అది కూలిపోయింది. ఆ స‌మ‌యంలో రైల్వే ట్రాక్ ప‌క్క‌నే ఉన్న పోలీసులు క‌నుచూపు మేర‌లో రైలు వ‌స్తుంద‌ని తెలిసి కూడా ధైర్యంగా పైలెట్ ను విమానం నుంచి బ‌య‌ట‌కి లాగారు. చుట్టుప‌క్క‌ల ఈ దృశ్యాన్ని చూసిన వారు పోలీసుల‌ను హెచ్చ‌రిస్తున్నా. పోలీసులు అత‌న్ని ర‌క్షించారు. క్ష‌ణాల్లోనే రైలు పట్టాలపై ఉన్న విమానాన్ని ముక్క‌లుముక్క‌లు చేస్తూ దూసుకెళ్ళింది.
