ఆర్ఆర్ఆర్ విడుదల తేదీ దగ్గరపడేకొద్దీ చిత్ర యూనిట్ ప్రమోషన్ ని పెంచేసింది. ఈ సినిమా జనవరి 7న విడుదలకు ముస్తాబవుతోంది. ఈ నేపథ్యంలో ఎన్టీఆర్ కి సంబంధించి ఆసక్తికరనైన ప్రోమో విడుదలైంది. ఎన్టీఆర్ పై కొమరం భీముడో అనే పాట చిత్రీకరించారు. నాలుగో పాటగా దీన్ని విడుదల చేయబోతున్నారు. ఈ పాటకు సంబంధించి చిన్న గ్లింప్స్ విడుదల చేశారు. కీరవాణీ కొడుకు కాలభైరవ ఈ పాట పాడారు. తండ్రి సంగీతాన్నందించిన చిత్రంలో కొడుకు అద్భుతంగా ఈ పాట పాడాడు. ఈ పాట గ్లింప్స్ ఇంత అద్భుతంగా ఉంటే, పాట ఇంకెంత అద్భతంగా ఉందోనని అంచనా వేస్తున్నారు అభిమానులు.