సినీ నటి దర్శకురాలు జీవిత చీటింగ్ కేసులో ఇరుక్కుంది . వచ్చేనెల చీటింగ్ కేసుపై నగరి కోర్టులో విచారణ జరగనుంది . ఇది వరకే జీవిత అరెస్టుకు నగరి కోర్టు వారెంటు జారీచేసింది . దీనిపై ఆమె తనపై జారీ చేసిన వారెంట్ రద్దు చేయాల్సిందిగా కోరుతూ కోర్టులో దాఖలు చేసుకున్న బెయిల్ పిటిషన్ ఇప్పుడు పెండింగ్ఉంది . తిరుపతి జిల్లా , విజయపురి మండలానికి చెందిన కోటేశ్వర రాజు అనే వ్యక్తి తన భార్య తరఫున జీవితా రాజశేఖర్ కి , గరుడ వేగ చిత్ర నిర్మాణం కోసం 26 కోట్ల రూపాయలు అప్పుగా ఇచ్చారు .దీనికి మద్రాస్ లో తనకున్న మూడు ఎకరాల స్థలాన్ని తాకట్టుపెట్టి ఖాళీ చెక్కులు కూడా ఇచ్చారు .
అయితే గరుడవేగ చిత్రానికి 26 కోట్ల రూపాయలు అప్పుగా తీసుకుని , తాకట్టు పెట్టిన స్థలాన్ని అమ్మేశారు. ఆ స్థలం తమకు తాకట్టు పెట్టిన స్థలంలో నిర్మాణాలు ప్రారంభమయ్యాయని , అప్పు ఇచ్చిన కోటేశ్వర రాజుకు తెలిసింది . దీంతో జీవిత ఆ స్థలానికి మంచి ధర వచ్చిందని , అందుకని తొందర్లో డబ్బులు ఇస్తానని చెప్పిందట. అప్పు ఇచ్చిన డబ్బులు రాకపోవడంతో కోటేశ్వరరావు నగరి కోర్టులో సివిల్ కేసు దాఖలు చేశారు .కేసులో విచారణకు ఆమె హాజరు కాకపోవడంతో కోర్టు నాన్ బెయిలబుల్ వారెంట్ జారీ చేసింది . దీంతో వచ్చే నెల ఎనిమిదో తేదీ ఈ కేసులో విచారణ జరగనుంది.
