తమిళనాడులో సినిమా హీరోల అభిమానులు ఏదిచేసినా వెరైటీగా ఉంటుంది.. సినిమా రిలీజ్ కు ముందు పాలాభిషేకాలు , కటౌట్ , టపాకాయలు పేలుళ్లు , డీజే బ్యాండ్ లు .. ఇలాంటివన్నీ తమిళ ఫ్యాన్స్ నుంచి దిగుమతి అయినవే., ఇప్పుడు ఇళయ దళపతి విజయ్ నటించి , బీస్ట్ సినిమా చూసిన వాళ్లకు లీటర్ పెట్రోల్ ఫ్రీ స్కీం పాపులర్ అయింది.
ఫ్యాన్స్ సంఘాలే కాకుండా , సినిమా దియేటర్ యాజమాన్యాలు కూడా , ఎఫ్ డి ఎఫ్ ఎస్ అనే స్కీం కింద , ఫస్ట్ డే , ఫస్ట్ షో కి , ఐదు టికెట్లు కొన్నవాళ్లకు , ఒక లీటర్ పెట్రోల్ ఉచితంగా ఇచ్చారు. బీస్ట్ మూవీ బుధవారం ప్రపంచ వ్యాప్తంగా విడుదలైంది. కొన్ని సినిమా హాల్స్ వద్ద , సినిమా చూసి బయటకొచ్చే ప్రేక్షకులకు , ఫ్యాన్స్ ఒక లీటర్ పెట్రోల్ కూపన్లు ఉచితంగా ఇస్తున్నారు. బీస్ట్ మూవీ చూసేందుకు కొన్ని కంపెనీలు తమ ఉద్యోగులకు సెలవులు ఇచ్చాయి. మరికొన్ని కంపెనీలు అడ్వాన్స్ బుకింగ్ టికెట్లు ఇచ్చాయి..
