పోలీసులంటే , విమర్శలకే కాదు , ప్రశంసలకూ అర్హులే.. చిత్తూరు భాకరాపేటలో ఒక పెళ్లి బృందం బస్సు రాత్రి పదిన్నర ఘాట్ రోడ్డు లోయలో పడ్డ ఘటనలో తిరుపతి అర్బన్ ఎస్పీ వెంకట అప్పల నాయుడు స్వయంగా , లోయలో దిగి , సహాయక కార్యక్రమాలు పర్యవేక్షించాడంటే నమ్మగలరా.. ?? అర్ధరాత్రి , తన సిబ్బందిని , తోడుతీసుకొని లోయలోకి దిగి , క్షతగాత్రులను పైకి మోసుకొచ్చి , అంబులెన్స్ లను పిలిపించి , వేకువనే మూడున్నర వరకు , లోయలోనే ఉండిపోయారు.. ఆ ఆతరువాత రుయా హాస్పిటల్ కి వెళ్లి , పర్యవేక్షించారు..
ఇదేదో పోలీసులు , మీడియా చెప్పేదికాదు.. స్వయంగా క్షతగాత్రులు దండంపెట్టి కన్నీళ్లతో చెప్పకుంటున్న మాటలు.. ప్రమాదం జరిగిన సమయంలో , ఒక యువకుడు బైక్ మీదపోతూ గమనించి , చంద్రగిరి పోలీసులకు సమాచారం ఇచ్చాడు. పోలీసులు ఈ విషయం ఎస్పీకి చెప్పడంతో , ఆయన వెంటనే అర్ధరాత్రి , అపరాత్రి అనిచూడకుండా , బయలుదేరారు.. ఫైర్ సిబ్బందికి సమాచారం ఇచ్చి, రిజర్వ్ పోలీసులతో , తానే ముందుగా , ప్రమాదం జరిగిన ప్రాంతానికివెళ్ళాడు.. అంత త్వరగా స్పందించక పోయిఉంటే ,, మరణాలు సంఖ్య మరింతగా పెరిగేది.
ఊరుకాని ఊరులో , లోయలో , ఆడామగా , పిల్లపాపా , గాయాలతో దుర్భరమైన పరిస్థితుల్లో ఉండేవారు.. అందుకే , ఈ ప్రమాదంలో పోలీసులు , ముఖ్యంగా అర్బన్ ఎస్పీ చొరవను , వృత్తి పట్ల ఆయన అంకిత భావాన్ని , మానవత్వాన్ని ప్రత్యేకంగా ప్రశంసించాలి..
అర్ధరాత్రి లోయలోకి దిగిన ఎస్పీ , 45 మందిని , లోయనుంచి రోడ్డుపైకి పంపిన తరువాతే , తానూ పైకొచ్చారు.. అర్ధరాత్రి , కాళ్ళుచేతులు విరిగిన వారిని , తీవ్ర గాయాలతో ఉన్నవారిని రక్తం కారుతుంటే , వారిని పోలీసులు మోసుకొచ్చి హాస్పిటల్లో చేర్చారు.. అందుకే పోలీసులు , విమర్శలకే కాదు , ఇలాంటివి చూస్తే ప్రశంసలకూ అర్హులని భావించాలి..
