కర్ణాటకలో సంచలనం సృష్టించిన హానీ ట్రాప్ కేసులో , అరెస్టయిన సల్మాభాను , వలలో పడి లక్షలు , కోట్లు పోగొట్టుకున్న అభాగ్యులు కథలు ఒక్కొకటి వెలుగులోకి వస్తున్నాయి.. తనమాటలు , వయ్యారి చేష్టలు , అందచందాలతో వలలో వేసుకొని , తర్వాత వీడియోలు , ఫొటోలు తీసి , బ్లాక్ మెయిల్ చేయడం సల్మాభాను ప్రత్యేకత.. కర్ణాటక , మాండ్యలో ఆర్ ఎస్ ఎస్ నేత జగన్నాధషెట్టి కేసులో ఆమె ఇరుక్కుంది. దీంతో అరెస్టుచేసి జైల్లో పెట్టారు. ఇప్పుడు ఆమె చూపులవలలో చిక్కి మోసపోయిన వాళ్ళు ఫిర్యాదులు ఇస్తున్నారు. విచిత్రం ఏమిటంటే , ఆమె సామాజిక సేవకురాలు , మానవహక్కుల సంఘం నాయకురాలు ముసుగులో ఈ హానీ ట్రాప్ లకు పాల్పడుతుంది.
జగన్నాధషెట్టి పలుకుబడిగలిగిన రాజకీయనాయకుడేకాదు , పొయెద్ద బంగారం దుకాణాల యజమాని కూడా .. ఆయనతో పరిచయం ఆమె నాటకీయంగానే చేసింది.. జగన్నాధషెట్టి ప్రతిరోజూ కారులో పోయే దారిలో , ఒక రోజు లిఫ్ట్ అడిగింది. తరువాత మాటలు కలిపింది. ఫోన్ నంబర్ తీసుకుంది. మొదట , లిఫ్ట్ ఇచ్చినందుకు థాంక్స్ అనే మెస్సేజ్ తో మొదలుపెట్టింది. తరువాత చాటింగ్ , ఆ తరువాత వీడియో కాల్స్.. కట్ చేస్తే , హోటల్లో సరసాలు , రహస్యంగా వీడియోలు .. చివరగా బ్లాక్ మెయిల్.. ఈమె ముఠాలో నలుగురు సభ్యులున్నారు. .
సరసాలు మొదలైన రెండు నెలల తరువాత , చిన్నగా , నాలుగు కోట్లు రూపాయలు కావాలని డిమాండ్ చేసింది. ఇవ్వలేనని అంటే , 50 లక్షలకు సెటిల్ చేసుకుంది. డబ్బులు ఇచ్చిన తరువాత వీడియోలు ఇస్తానని చెప్పింది. అయితే 50 లక్షలు తరువాత , మళ్ళీ డబ్బులు డిమాండ్ చేసింది. దీంతో జగన్నాధషెట్టి పోలీసులను ఆశ్రయించాడు. అన్ని ఆధారాలతో పోలీసులు సల్మాభాను ఆమె అనుచరులను అరెస్ట్ చేసి జైల్లో పెట్టారు..
